 |
| ސްކޫލު ޑިސިޕްލިން އަށް ޙާއްޞަ ސަމާލުކަމެއް މުދައްރިސުންނާއި، ތަޢުލީމީ ދާއިރާގައި މަސައްކަތްކުރައްވާ ވެރިން ދެއްވަން ޖެހެއެވެ. |
ތަޢުލީމު އުނގެނުމުގެ ބޮޑު ބޭނުން ގޮތައި އިންސާނާގެ ސިކުނޑި ތަރައްޤީވުން ކަމުގައި ތަޢުލީމީ މާހިރުން ކިތައްމެ ވަރަކަށް ބުންޏަސް ތަޢުލީމުގެ އަސާސަކީ މާތް އަހުލާޤެވެ. ސިކުނޑި ތަރައްޤީ ކުރުވުމޭ ބުނެވެނީ ތިމާގެ ދިރިއުޅުމަށް ހެޔޮ ބަދަލު ގެނައުމަށެވެ. މި ހެޔޮ ބަދަލު ގެނެވޭނީ ތިމާއަކީ އިސްލާމްދީނުގެ ހަމަތަކަށާއި ކީރިތި ރަސޫލާގެ ސުންނަތަށް ތަބާވެ، ތިމާއަކީ ނަޒާޙަތްތެރި އަކަށް ވެގެންނެވެ. ކެތްތެތިކަމާއި، މަޑުމައިތިރިކަމާއި، ޙިކުމަތާއި އިހުތިރާމު ކުރުންފަދަ އެންމެހާ މާތް ސިފަތައް ތިމާގެ ކިބައިގައި އަށަގެންނުވިގެންނެވެ. ތިމާއަށާއި މުޖުތަމަޢުއަށް ފައިދާ ކުރަނިވި ކޮންމެ ޢިލްމެއްވެސް އުނގެނެން އިސްލާމްދީން ހުއްދަ ކުރެއެވެ. ދިވެހިރާއްޖެފަދަ އިސްލާމް ޤައުމެއްގައި، މާތް އަޚުލާޤު ޤައުމިއްޔަތެއް ބިނާކުރުމުގައި މުހިއްމު ދައުރެއް އަދާ ކުރާނެކަން ޔަޤީނެވެ. ވުމާއެކު، އިޖްތިމާޢީ ފޭރާން ވީދެމުން، ނެތެމުންދާ މި ދުވަސްވަރުގައި ކޮންމެ ދިވެހި ރައްޔިތެއްވެސް މިކަމާމެދު ބުއްދީގެ ނަޒަރުން ވިސްނައި ފިކުރުކޮށް، ހުޅަނގުގެ ނާތަހުޒީބީ އަދި ލާދީނީ އެންމެހާ ވަކިތަކުން ދިވެހި ޖީލުތައް ސަލާމަތް ކުރުމަކީ ޤައުމީ ވާޖިބެކެވެ. ޤައުމި ލަވަޔާއި، ޤައުމީ ދިދައާއި، ޤައުމީ މަލާއި، ޤައުމީ ގަހާއި، ޤައުމީ ފުޓު ބޯޅަ ޓީމާއި (މިފަދަ އެންމެހާ ރަމްޒުތަކުން) ޤައުމިއްޔަތެއް ބިނާކުރުމަށްވުރެން، ފަރުދީ، މުޖުތަމަޢުގެ "ފިކުރުން" ޤައުމިއްޔަތެއް ބިނާ ކުރަން މަސައްކަތް ކުރުން އެތައްތަނަކުން މޮޅު އިތުރުވެގެންވާކަމަށް ދެކެމެވެ.
No comments:
Post a Comment
Thank you very much for your comment. Your comment will be published after moderation by blogger.