މަޢުލޫއާއި ގެން ކުރިއަށް ދިއުމުގެ ކުރިން އިޤްތިޞާދީ ޢިލްމަކީ ކޮބައިތޯ ބަލާލަން ކޮންމެހެން އެބަ ޖެހޭ. ތަފާތު ގޮތްގޮތަށް މި ޢިލްމު ދުނިޔޭގެ ނަން މަޝްހޫރު ޢިލްމުވެރިން މާނަކުރެއްވި ނަމަވެސް، އަޅުގަނޑުމެން އެންމެން ޤަބޫލު ކުރާ އެއް ކަމަކީ، އިޤްތިޞާދީ ޢިލްމަކީ މުދައު އުފައްދާ އިތުރުކޮށް އެތަކެތި އާންމުންގެ މެދުގައި އެ މުދައު ބަހައިލެވޭ ގޮތާއި މެދު ވާހަކަދެކެވޭ ޢިލްމު ކަން. އަދި މިޢިލްމަކީ އަޅުގަނޑުމެންގެ ދިރިއުޅުމާއި ވަރަށް ގުޅުންހުރި، އެހާމެ ބޭނުންތެރި ޢިލްމެއް. ޤައުމެއް ޤައުމެއްގެ ގޮތުގައި ބަދަހި ކޮށް ދައްކުވައިދެނީ، އެ ޤައުމެއްގެ ހިވާގި މުރާލި، ފިސާރި ކެރޭ ރައްޔިތުން ތަކެއް ޤައުމު އާރާސްތުކުރުމަށް ކޮށްފައިވާ ބުރަ މަސައްކަތް.
ޤައުމެއްގެ އުފެއްދުންތެރިކަމާއި ފުދުންތެރިކަން ހިފަހަށްޓާ ކުރިއެރުވޭނީ، ފަރުދީ އިޤްތިޞާދުކުރުމަށް ވަރަށް ބޮޑަށް ބާރު އެޅިގެން. ޙާއްޞަކޮށް ޤައުމުގެ ޒުވާނުންގެ ޙަރަދުތައް ކުރާ ގޮތާއި ފައިސާ ހޯދާ ވަޞީލަތްތައް ހަރުދަނާ ކުރެވިގެން. ލިބޭ މިންވަރު ދަނެގެން ހަރަދު ކުރުމަށް ބާރު އެޅުމުގެ ގޮތުން ސުކޫލުތަކުން އިސްނަގައިގެން ދަރިވަރުން ހޭލުންތެރި ކުރުމަށްޓަކައި ތަފާތު ޕްރޮގްރާމުތައް ހިންގިގެން. ހަރަދުކުރާއިރު އަބަދުވެސް "އެންމެ ތިމާއަށް މުޙިއްމީ ކޮންއެއްޗެއްތޯ"، "މިވަތުތު އެ އެތި މުހިއްމުތޯ" ތިމާގެ އަމިއްލަ ނަފުސާއި ސުވާލުކުރެވިގެން. މަސައްކަތްކުރާ މުވައްޒަފުން، ޙާއްޞަކޮށް މަހުންމަހަށް މުސާރަ ލިބޭ ގޮތަށް މަސައްކަތްކުރާ އެންމެހާ ފަރުދުން، ލިބޭނެ މުސާރައަކަށް ބަލައި ޙަރަދު ނުކުރުމުން، އެކަމުހެ ހެޔޮ އަސަރު އެބޭފުޅުންގެ ބޭންކު އެކައުންޓްތަކުން ފެންނާނެކަން ކަށަވަރު. މީގެ އިތުރުން އަތަށް މުސާރަ ނުނަގާ ބޭންކު އެކައުންޓަށް ފައިސާ ޖަމާ ކުރުމުންވެސް ހަރަދުތައް ކުޑަވުމަށް މަގު ފަހިޥޭ.
ޤައުމުގެ ޢިޤްތިޞާދީ ފުދުންތެރިކަން ކުރިއެރުވުމަށްޓަކައި ފަރުދީ ޢިޤްތިޞާދުކުރުމުގެ ހަރުދަނާ ރީތި ސިފަ ހިފެހެއްޓުމަކީ މިޤައުމުގެ ރައްޔިތުންނަށް އޮތް ވާޖިބެއް. ހިތްހަމަޖައްސާލުމަށްޓަކައި ރަހުމަތްތެރިޔާ އާއި އެކު ބޮއިލެވޭ ކޮފީ ތައްޓާއި، ސިގިރޭޓް އަދި ދަރިފުޅު މަސަލަސް ކުރުމަށް ގަނެދެވޭ ބޭކާރު ކުޅޭ ސާމާނު އަދި ހަވީރު ފިނި ބުރު ޖަހާލުމަށްޓަކައި ކޮންމެ ދުވަހަކު އަޅުގަނޑުމެން އަންދާލާ 1 ލިޓަރުގެ ޕެޓްރޯލް ފަދަ ކަންތައްތައް ޤުރުބާން ކުރުމަށް އަޅުގަނޑު އެބަ ޖެހޭ ދަސްކޮށް އެކަމަށް ޢަމަލު ކުރަން. އެހެންނޫނީ، އަޅުގަނޑުމެން ވެއްޓިފައި މިވާ އިޤްތިޞާދީ އަދަވަލުން އަރައެއް ނުގަނެވޭނެ. މިވާހަކަތައް އަޅުގަނޑުމެން ދައްކަމުންދާއިރު އެމެރިކާގެ ކުރީގެ ރައީސެއްކަމަށްވާ މރ. ޖޯން އެފް. ކެނެޑީ ވިދާޅުވެފައިވާ ބަސް "ޤައުމު ތިމާއަށް ކޮށްދޭނީ ކޮންކަމެއްތޯ ނާހާށެވެ. ޤައުމަށް ތިމާއަށް ކޮށްދެވޭނީ ކޮންކަމެއްތޯ ބަލާށެވެ" މި ޢިބާރާތް ކޮޅާއި މެދު ވިސްނަން ޖެހޭ. މިއަދާ ހަމައަށް ޤައުމަށް ތިމާއަށް ކޮށްދެވުނީ ކިތައް ކަންތައްތޯ ބަލާ ވިސްނާ ފިކުރު ހިންގަން ވެއްޖެ. ތަކެތީގެ އަގު ކޮންޓްރޯލް ކުރުމުގެ ހަޤީޤީ ބާރު އޮންނަނީ ރައްޔިތުންގެ އަތުގައި. އަޅުގަނޑުމެން ޙަރަދު ކުރާ ނިޞްބަތް މަދުކުރެވިއްޖެ ނަމަ މުދަލުގެ އަގު ދަށްވާނެ.
އަބަދުވެސް އެންމެ މޮޅު ކޮލިޓީ، އެންމެ މޮޅު ޑިޒައިން، އެންމެ ފަހުގެ އަގު ބޮޑު ޓެކްނޮލޮޖީ ގެ މުދައު ގަންނަށް އަޅުގަނޑުމެން މަސައްކަތް ކުރާއިރު، އެންމެ އަގު ހެޔޮ، އެ ބޭނުމަކަށް ފުދޭވަރުގެ މުދައު އިޙްތިޔާރު ތިމާ އަމިއްލައަށް ނުކުރާއިރު، އެފަދަ ތަކެތި އިޙްތިޔާރު ކުރުމަށް އަނެއްކާއަށް ހިތްވަރު ދެނީ ކިތައް މީހުންތޯ؟ މިހެންކަމުން ޤައުމުގެ އިޤްތިޞާދީ މި ވެއްޓުމަށް އަޅުގަނޑުމެންގެ ކޮންމެވެސް ހިއްސާއެއް (މިންވަރެއްގެ އިހުމާލު) އެބަ އޮތްކަމަށް އަޅުގަނޑުމެންނަށް ޤަބޫލުކުރަން މަޖުބޫރު. އަމިއްލަ ފަރުދެއް ކުރާ ބޭކާރު ޙަރަދުގެ އެންމެ ފައިސާ ފޮށްޗަކީވެސް، މުޅި ޤައުމުގެ ރައުސުލް މާލުން އުނިވެގެންދާ އެއްޗެއް. މިހެންކަމުން، ޤައުމު ދުނިޔެއަށް ދައްކުވައިވޭ "ލޯގަނޑު" ކަމުގައިވާ އިޤްތިޞާދީ ފުދުއްތެރިކަމަށް ހީނަރު އަތުވެދާނެ އެއްވެސް ޢަމަލެއް ނުކުރުމަށް އަޅުގަނޑުމެން ގަދައަޅާ މަސައްކަތް ކުރުން މުހިއްމު.
No comments:
Post a Comment
Thank you very much for your comment. Your comment will be published after moderation by blogger.