ދުނިޔޭގެ ގިނަ ގައުމުތަކުގައި ކޯވިޑުގެ އެކި ރާޅުތައް އެކި ވަރަށް ނަގަމުން މިދާ ދަޑިވަޅުގައި ދިރިއުޅުމުގެ އައު ކަންތައްތަކެއް އަހަރެމެން ނަށް ދަސްކޮށްދީފިއެވެ. މި އައި ބަދަލުތަކުން ދިރިއުޅުން އެއްބަޔަކަށް ފަސޭހަވެގެން ދިޔަ އިރު އަނެއްބަޔަކަށް އެކަން ތަކުލީފަކަށް ވެއްޖެއެވެ. ސައިންސްވެރިން ލަފާކުރައްވާ ގޮތުގައި މުޅި ދުނިޔެއިން ކޯވިޑު ނެތިގެން ދާން ޖުމުލަ އަދި 8 އަށެއްކަ އަހަރު ނަގާނެއެވެ. މި ހުރިހާ ކަމަކަށްވުރެންވެސް މިހާރު އުފެދޭ އެންމެ ބޮޑު ބިރުވެރިކަމަކީ ، ކޯވިޑަށް ވުރެން ބާރުގަދަ އިތުރު އެހެން ބަލިތައް ކުރިމަގުގައި ފެތުރި ދުނިޔޭގެ ބޮޑު އާބާދީ އަކަށް އެ ބަލި ޖެހި ، އެ ބަލިމަޑު ކަމުގައި ގިނަ މީހުން މަރުވާނެ ކަމަށް ސައިންސްވެރިން ލަފާކުރައްވާ ލަފާކުރެއްވުމެވެ
ކޯވިޑުން އެންމެ ބޮޑަށް ގެނުވި އެއްބަދަލަކީ މުދަލާއި ޙިދުމަތް ހޯދާ ގޮތްތަށް ގެނުވި ބަދަލުތަކެވެ. އޮންލައިން ވިޔަފާރިތަކަށް ބޮޑު ކުރިއެރުމެއް ލިބުނު އިރު، ލޮކު ޑައުންނާއި އަދި ވަކި ގަޑިތަކަކަށް ވިޔަފާރިތައް ބަންދު ކުރަން ޖެހުމުން، ކުރީގެ ގޮތްތަކަށް ވިޔަފާރިކުރަމުން އައި ފަރާތްތަކަށް އޮންލައިން ވިޔަފާރިއަށް ބަދަލު ވުމަށް ޚަރަދު ތަކެއް ކުރަން މަޖުބޫރު ވިއެވެ. އަދި މިކަމަށް ހޭނުމަށް ވަގުތު ތަކެއް ނެގިއެވެ. އޮންލައިން ކިއު ތަކާއި ޕޯޓަލް ޙިދުމަތައް ތަޢާރަފު ކުރެވި، ޒަމާނީ ޑިޖިޓަލައިޒޭޝަންސް އަށް ސަރުކާރުގެ އޮފީސްތަކުގެ މިޞްރާބު ބަދަލުކުރިއެވެ. ޓެކްނޮލޮޖީގެ އިޖާދުތަކުގެ ސަބަބުން، އަހަރެމެންނަށް މި ބަލިމަޑުކަމުން ކުރުވާނެ ނޭދެވޭ އަސަރުތައް ކިތައްމެހާވެސް ކުޑަ ކުރެވުނެވެ.
ކޯވިޑުން ކަސްރަތުކުރުމާއި ހަށިހެޔޮ ދުޅަހެޔޮ ވިސްނުންތައް ބަދަލުކުރެވުނެވެ. ހިރަފުސް ވެފައިވާ ދުވާ މެޝިންތަކުގެ ބޭނުންކުރަން ޖެހުނެވެ. ކަސްރަތު އިންޑޯ މާހައުލުގައި ކުރާނެ އެތަކެއް ގޮތް ތައް ޔޫ ޓިއުބު ވީޑިއޯ އިން މީހުން ބަލައި ދަސްކުރިއެވެ. ބައެއް މީހުން، ކުދި އަމިއްލަ ޖިމްތައް ގޭގައި އުފައްދައި އާއިލާއާއި އެކު ކަސްރަތު ކުރަން ވަގުތު ހުސްކުރަން ފެށިއެވެ. ދުވަހަކު ކަސްރަތަށް ލޯބި ޖެހިފައިނުވާ އެތައް ބައެއް ކަސްރަތު ކުރުމުގެ ވިސްނުން އުފެއްދިއެވެ.
ކޯވިޑުން ގޭގައި މަސައްކަތްކުރުމުގެ އާދަ އަމިއްލަ އޮފީސްތަކުންނާއި ސަރުކާރުގެ އޮފީސްތަކުން ގާއިމު ކުރިއެވެ. ރިމޯޓު ސާރވަތަކުގައި މަސައްކަތް ކުރިންވެސް ދިވެހިން ކޮށް އުޅުނެވެ. އަދި އެފަދަ ސެޓް އަޕް ތައް ވަނީ ހެދިފައެވެ. ނަމަވެސް، މި ސެޓްއަޕް ތައް އިތުރަށް ވަރުގަދަ ކުރެވި، ޑޭޓާ ޕްރޮޓެކްސަން އިތުރަށް ފުރިހަމަ ކުރެވި، ގެއިން މަސައްކަތް ކުރާނެ ރަނގަޅު މާހައުލެއް އުފެއްދުނެވެ. މަސައްކަތުގެ މާހައުލަކީ ގެ ކަމުގައި ވެ، ވޯކް ލައިފް ބެލެންސް ހާޞިލްކުރުމަށް އެތައް ބަޔަކަށް ފަސޭހަ ވެގެން ދިޔައެވެ.
ކޯވިޑުން ތަޢުލީމު ދިނުމާއި އުނގެނުމަށް ބޮޑެތި ބަދަލު ތަކެއް ނެގުވިއެވެ. އިންޓަނެޓާއި ނުލައި ފަސޭހައިން އޮންލައިންކޮށް ކިޔެވޭނެ ޕްލެޓް ފޯމުތައް ސަރުކާރާއި އަމިއްލަ ތަޢުލީމު ދޭ ފަރާތްތަކުން އީޖާދުކުރިއެވެ. ކުލާހަށް ގޮސް ކިޔެވުން ގާތްގަޑަކަށް އެއްކޮށް ހުއްޓުމަކަށް ގެނުވިއެވެ. އިމްތިހާނު ތަކާއި އެސެސްމަންޓު ތައް އޮންލައިންކޮށް ހަދައި ނަތީޖާ ތަކާއި ދަސްވެނިވުންތައް އޮންލައިންކޮށް ބާއްވަން ފެށުނެވެ. ނަމަވެސް، މި ހުރިހާ ބަދަލުތަކަށް އެކަށީގެންވާ ފަރުވާތެރިކަމާއި މޮނިޓަރިންގް ނުހަނު ބޭނުންވާނެކަމަށް ދެކެމެވެ.
ކޯވިޑުން ދިރިއުޅުމުގައި ފަހަށް ރައްކާ ކުރުމާއި، ޚަރަދުތައް މެނޭޖުކުރުމަށް އިތުރަށް ފާރަވެރިވާން ހަނދާންކޮށްދިނެވެ. ދިގުމުއްދަތަށް ބޭސްކާ މީހުންނާއި ޑޮކްޓަރަށް ދެއްކުމުގައި އިތުރަށް ފަރުވާ ބެހެއްޓުމާއި ، އާންމު ޞިއްހަތައް ސަމާލުކަން ދިނުމަށް މަޖުބޫރުކުރުވިއެވެ. ކޯވިޑުން އައު ވިޔަފާރިތައް އުފައްދައި އެ ވިޔަފާރިތަކަށް ބޮޑެތި ނަފާ ލިބުމަށް މެދުވެރި ކުރި އިރު، މާސްކު އެޅުމާއި، ގައިދުރުކަން އިތުރަށް ބެހެއްޓުމާއި ގިނަ ގިނައިން އަތް ދޮންނަށް އިންސާނުންނަށް ބުނެދިނެވެ. ހުރިހާ ހާލަތެއްގައި، ދިރިއުޅުމުގެ އިޖްތިމާޢި އަދި ޢާއިލީ ދިރިއުޅުން ގެއްލުނުކަމަށް ބުނެވޭކަށް ނެތެވެ. ވީޑިއޯ ކޮންފެރަންސިންގް އާއި އެހެނިހެން އެޕްލިކޭޝަންސް ތައް އިޖްތިމާޢީ އަދި ޢާއިލީ ދިރިއުޅުން ހިފެހެއްޓިއެވެ. މި މާޔޫސް ކަމުގެ ހިތްދަތި ދަނޑިވަޅުގައި ކުޑަ ނަމަވެސް ހިނިތުންވެމުއް ގެނައި ކަހަލަ އިހްސާސް ކުރެވެއެވެ.
ކޯވިޑުން ދިރިއުޅުމަށް އިތުރުކުރީ އައު ފިޅާވަޅު ތަކެކެވެ. ލޯތްބާއި ހަމަދަރުދީ އިތުރަށް ދަމަހައްޓައި، އެކަކު އަނެއްކަކަށް އަޅާޅަންޖެހޭ ވަގުތުގެ ރަގަބީލު ކޯވިޑުން އެޖެހީ މާ ބާރަށެވެ. އެންމެންނަށް އަޑު އިވޭ ގޮތަށެވެ.
No comments:
Post a Comment
Thank you very much for your comment. Your comment will be published after moderation by blogger.